Servizos · 01
Non descoidamos a saúde das obras: o noso laboratorio marca os máis altos estándares no control de materiais usados na construción. Acreditados como LECCE para Vigo, Arteixo e Allariz.
Ensaios
Para a execución dos ensaios físicos, mecánicos e químicos dos materiais utilizados, dispoñemos de analistas especializados en toma de mostras e ensaios, que aseguran a súa idoneidade no cumprimento das normativas de aplicación.
Probas de servizo
Centradas no mundo da calidade, as nosas probas in situ céntranse en instalacións, acústica, infraestruturas urbanas, auscultación de pilotes e patoloxías. Actuamos tanto a nivel de control de execución como de probas de servizo.
Desde as instalacións básicas dun proxecto de edificación (electricidade, fontanaría, calefacción, comunicacións, ventilación), pasando por probas de estanqueidade en fachadas e cubertas. Estudamos o comportamento acústico dos materiais unha vez colocados, medicións de ruído ambiental interior e exterior, e asesoramos tecnicamente durante a execución.
Inspección e reparación
Cámara de inspección en tubaxes de ata 1600 mm. Unidade de vídeo interior concibida para tubaxes de ata 1600 mm, composta por un sistema de tracción con cámara de cabezal xiratorio. O equipo complétase cun furgón de apoio técnico desde o que se visualizan e analizan os datos (lonxitudes, pendentes, perfís das condución) para a súa posterior visualización en PC ou televisión.
Cámara de inspección 40 – 200 mm. Para tubaxes de pequeno diámetro. Conta con saída de vídeo para capturar o sinal desde calquera gravador externo e almacenar as inspeccións directamente en formato MPEG.
Reparación interior con packer. A reparación interior consiste en recubrir a cara interior da tubaxe cunha manta de fibra de vidro sobre a cal se aplica unha resina de dous compoñentes, o que proporciona unha resistencia óptima para conseguir un selado perfecto.
Fresado de tubaxes. Elimínanse restos de raíces de árbores, obstrucións calcarias, graxas, acometidas sobresaíntes e todo tipo de sedimentos ao tempo que se dá unha solución á rotura causada sen necesidade de obra civil.
Auscultación de pilotes
O ensaio de Cross-hole ou sondaxe ultrasónica permite apreciar a homoxeneidade e integridade do formigón entre os puntos de emisión e recepción dun ultrasón, así como a detección e localización de posibles anomalías.
Galaicontrol conta co equipo de auscultación «Crosshole CSL-1», que destaca non só pola súa precisión á hora de descubrir a idoneidade do formigón a estudar, senón tamén pola súa precisión á hora de localizar a posición da incidencia detectada. Dispoñemos así mesmo de equipo para realizar probas de impedancia sónica en pilotes.
Xeotecnia, xeofísica, sondaxes, micropilotes.
Ir á área →Verificación CTE, eficiencia enerxética, instalacións deportivas.
Ir á área →Gas radón, medicións acústicas, vixilancia ambiental.
Ir á área →